Sa bingia amiga

S’attr’annu, credei a mei,
ca a penzai a sa bingia
fudi diaderusu u’ prexei.
Sa nostra fudi propriu u’incantu
e a dda bì fadiada spantu
ca pottada sa sembianza
de sa vida e de s’abbondanza.
E sa speranza no podiada mancai,
ca po issa tottu iausu penzau de fai.
E candu dda meghiausu de accapiai
a su celu parriada ca si oliada innalzai.
Dogna fundu u sodrau
Dogna fundu u sodrau
parriada schierau in dd’unu grandu reggimentu,
dogna fundu unu serenu portamentu,
de su traballu si scaresciada su trumentu,
de sa fatiga fudi sa benedizioni,
tottu fudi fattu cu ordini e cun precisioni.
De ziu Pietru fudi sa passioni,
ca cun babbu cuncodrada,
ca sa bingia no andada bogada,
contributu mannu podianta donai,
una bellesa diaicci no dda pagada su dinai.
E tanti traballu poi sciusciai,
no fudi spettaculu de podi supportai.
E fudi bella cust’annada sa pesta mancu passada.
E is fundus chi megada de accapiai
a candu fudi giovaneddu ddu fadianta penzai,
a candu sodradeddu issu puru fra milla fudi schierau…
e de cudda picciocca si fudi arregodau.
De cantu ddi obiada beni fudi cosa de no crei.
Ma senza de atti e de patti a bidda ndi fudi torrau
E a sa bingia a pagu a pagu si dd’iada confidau.
Issu no iada tentu su coru de dda domandai,
ca de ddi oani, intamis de sa domu
no teniada mancu su pai.
E candu dd’iada bida cun ddu antru cuntenta e sposa,
issu a nemus iada mai nau
ca de issa si fudi innamorau.
Deu ia intendiu ma no ia musciau e unu nomini,
cumenti de unu tesoru,
deu cun sa bingia
ddu tengiu sempri allogau.

( Albertina Piras )
Due anni fa, credetemi, che pensare alla vigna era un vero piacere. La nostra era un incanto e ci si meravigliava nel guardarla, perché aveva le sembianze della vita e dell’abbondanza. E la speranza non poteva mancare, perché per lei avevamo fatto tutto e quando stavamo legando i tralci ai pali sembrava volesse innalzarsi al cielo. Ogni ceppo sembrava un soldato schierato in una grande reggimento, ognuno aveva un portamento sereno e del lavoro ci faceva scordare il tormento, della fatica era la benedizione, tutto era stato fatto con ordine e precisione.
Di zio Pierto era la passione che con babbo andava d’accordo nel dire che la vigna si doveva mantenere, a dispetto dei contributi, perché una simile bellezza non aveva prezzo.
E il lavoro che stava facendo in vigna lo riportava alla sua gioventù, a quando anche lui soldato fra mille era schierato…e di quella ragazza si era ricordato. Quanto le voleva bene. Era incredibile. Ma senza arte, né parte in paese era tornato e lui non aveva avuto il coraggio di rivelarle i suoi sentimenti, perché da darle non solo non aveva la casa, ma nemmeno il pane.
Io avevo sentito, ma non avevo detto nulla e un nome, come un prezioso segreto, avevo custodito con la vigna.