Su ballu infernali
Ziu Nanni Martis fadìada pettis de trabaxiu e andàda a ddus bendi a sa patti de susu.
U’ otta ddi fudi scurigau su logu in camminu, fudi stancu mottu e si fudi frimau in su sattu de Gonnanoa e si fudi croccau asutta de ua moba de moddizi.
Iada incarrerau a bisai…biriada…ua cambarada de genti chi baddada su ballu sadru e ddu tiranta a patti de cussusu pighendiddu a bratzettu. Issu non bobiada intrai in su ballu, mancu a nci penzai…e si fuiada, ma cussusu dd’acciappanta e ndi ddu piganta a baddai.
Is chi ddu fadianta prus a timi fuanta i femmina, ca fuanta leggias de no fai a ddas castiai e de bucca e de ogusu ddis bessiada pampas de fogu e… vmm vmm vmm.. ddu imboddiccànta cumenti de u lanciafiamme.
Si ndi fudi scidau tottu assustrau, crobettu de sudori.
Arrori ddas cundada cun femmiasa leggia e tottu!
E penzada de si nd’essi scabutu.
Pigada sonnu e cuddasa dduoi torranta e dd’obianta, dd’obianta e sattanta in mesu de is pampas de fogu chi bogànta e vmm… vmm… vmm
Aicci iada passau sa notti tziu Nanni: pigà sonnu e cuddas chi ci dd’obianta tirai in su ballu infernali, poi si ndi scidàda e si torrada a dromì e sempri cussasa, sempri cussasa!
Fetti a su chizzi ci fudi arrennesciu a pigai sonnu bei e is ballerinasa dd’ianta lassau stai e no dd’as iada bidas prusu.
A ndi ddu strobeddai de su sonnu fuanta stetius u tallu de canisi de cassa chi dd’ianta biu de tesu asutta de sa moba de moddizi e ddu depiantai pigau po lepiri o coillu.
Tziu Nanni iada donau ua strabeddada… e cumenti si fudi girau
iada biu su campusantu de Gonnanoa…e iada torrau a penzai a su bisu.