Su contu de Pulighitta
Ci fiada u’ otta ua meri
E custa meri teniada una pudda
Sa pudda ddi narànta Pulighitta.
Nàrada sa meri a Pulighitta:
– Pulighitta, brinta a criài, ca c’è genti chi bolidi pappai!-
– No!
Mraxiani, pappandi a Pulighitta, ca Pulighitta non bolidi intrai a criài ca c’est genti chi bolidi pappai!
– No!
– Cai, mussia a mraxani, ca mraxani non si ndi olidi pappai a Pulighitta, ca Pulighitta non bolidi intrai a criài ca c’est genti chi bolidi pappai!
– No!
– Fusti, arroppa a cani, ca cani non bolidi mussiai a a mraxani, ca mraxani non si ndi olidi pappai a Pulighitta, ca Pulighitta non bolidi intrai a criai ca c’est genti chi bolidi pappai!
– No!
– Fogu, abruxia a fusti, ca fusti non bolidi arroppai a cani, ca cani non bolidi mussiai a mraxani, ca mraxani no si olidi pappai a Pulighitta, ca Pulighitta non bolidi intrai a criai ca c’est genti chi bolidi pappai!
– No!
– Ah! Acqua, studa a fogu , ca fogu non bolidi abruxiai a fusti, ca fusti non bolidi arroppai a cani, ca cani non bolidi mussiai a mraxani, ca mraxani non siolidi pappai a Pulighitta, ca Pulighitta non bolidi intrai a criài ca c’est genti chi bolidi pappai!
– No!
– Ah! boi buffa a acqua, ca acqua non bolidi studai a fogu , ca fogu non bolidi abruxiai a fusti, ca fusti non bolidi arroppai a cani, ca cani non bolidi mussiai a mraxani, ca mraxani non si olidi pappai a Pulighitta, ca Pulighitta non bolidi intrai a criai ca c’est genti chi bolidi pappai!
– No!
– Ah! Loru, giungi a boi, ca boi non bolidi buffai acqua, ca acqua non bolidi studai a fogu , ca fogu non bolidi abruxiai a fusti, ca fusti non bolidi arroppai a cani, ca cani ca cani non bolidi mussiai a mraxani, ca mraxani non si olidi pappai a Pulighitta, ca Pulighitta non bolidi intrai a criai ca c’est genti chi bolidi pappai!
– No!
– Ah! Topi, pappandi a loru, ca loru, giungi a boi, ca boi non bolidi buffai acqua, ca acqua non bolidi studai a fogu , ca fogu non bolidi abruxiai a fusti, ca fusti non bolidi arroppai a cani, ca cani non bolidi mussiai a Mraxani, ca mraxani non si olidi pappai a Pulighitta, ca Pulighitta non bolidi intrai a criai ca c’est genti chi bolidi pappai!
– No!
– Ah! Pisittu pappandi a topi, ca topi non bolidi pappai a loru, ca loru non bolidi giungi a boi, ca boi non bolidi buffai acqua, ca acqua non bolidi studai a fogu , ca fogu non bolidi abruxiai a fusti, ca fusti non bolidi arroppai a cani, ca cani non bolidi mussiai a mraxani, ca mraxani non si olidi pappai a Pulighitta, ca Pulighitta non bolidi intrai a criai ca c’est genti chi bolidi pappai!
– No!
– Ah! Pisittu pappandi a topi, ca topi non bolidi pappai a loru, ca loru non bolidi giungi a boi, ca boi non bolidi buffai acqua, ca acqua non bolidi studai a fogu , ca fogu non bolidi abruxiai a fusti, ca fusti non bolidi arroppai a cani, ca cani non bolidi mussiai a Pulighitta, ca Pulighitta non bolidi intrai a criai ca c’est genti chi bolidi pappai!
– No!
– Ah! Scuppetta, spara a pisittu, ca pisittu non bolidi pappai a topi, ca topi non bolidi pappai a loru, ca loru non bolidi giungi a boi, ca boi non bolidi buffai acqua, ca acqua non bolidi studai a fogu , ca fogu non bolidi abruxiai a fusti, ca fusti non bolidi arroppai a cani, ca cani non bolidi mussiai a mraxani, ca mraxani non si olidi pappai a Pulighitta, ca Pulighitta non bolidi intrai a criai ca c’est genti chi bolidi pappai!
– No!
– Ah! Arrùia, spaccia a scupetta, ca scupetta non bolidi sparai a pisittu, ca pisittu non bolidi pappai a topi, ca topi non bolidi pappai a loru, ca loru non bolidi giungi a boi, ca boi non bolidi buffai acqua, ca acqua non bolidi studai a fogu , ca fogu non bolidi abruxiai a fusti, ca fusti non bolidi arroppai a cani, ca cani non bolidi mussiai a mraxani, ca mraxani non si olidi pappai a Pulighitta, ca Pulighitta non bolidi intrai a criai ca c’est genti chi bolidi pappai!
– No!
– Ah! terra, spaccia arrùia, ca arruia non bolidi spacciai a scupetta, ca scupetta non bolidi sparai a pisittu, ca pisittu non bolidi pappai a topi, ca topi non bolidi pappai a loru, ca loru non bolidi giungi a boi, ca boi non bolidi buffai acqua, ca acqua non bolidi studai a fogu , ca fogu non bolidi abruxiai a fusti, ca fusti non bolidi arroppai a cani, ca cani non bolidi mussiai a mraxani, ca mraxani non si olidi pappai a Pulighitta, ca Pulighitta non bolidi intrai a criai ca c’est genti chi bolidi pappai!
Terra: Subitu!!!
Arruia: No, no, no, gei dda spacciu a scupetta!
Scupetta: No, no, no, gei ddu sparu a pisittu!
Pisittu: No, no, no, gei ddu spacciu a loru!
Loru: No, no, no, gei ddu giungila boi!
Boi: No, no, no, gei dda buffu a acqua!
Acqua: No, no, no, gei ddu studu a fogu!
Fogu: No, no, no, gei dd’abruxiu a fusti!
Fusti: No, no, no, gei dd’arroppu a cani!
Cani: No, no, no, gei ddu mussiu a mraxani!
Mraxani. No, no, no, gei mi dda pappu a Pulighitta!
Pulighitta: No, no, no, gei ddu fatzu s’ou!.