S’ottu de tziu Giuanni
Tziu Giuanni teniada u’ottu
e dduoi teniada propriu de tottu:
croccoriga e pedringiau
cabi de conca e cabi occupau,
pedrusemini e cibudda
e no bobiada a ddi toccai nudda.
Chi cuncu piccioccheddu
s’attriviada a intrai
scramentu mannu ndi ddi fadiada pigai
e fuanta medas is chi dda tentanta,
peus po cussusu…ma gei dda paganta,
ca su fuettu fudi a portada de mau
candu cuncunu intrada a furai.
Duoi teniada una mata de mura
e fuanta sempri fura fura,
dduoi teniada ua mata de nuxi
e furanta a scuriu e furanta a luxi.
Dduoi teniada u’a mata de prua
e si dda papanta sendu essi crua.
In famiglia fuanta dexi
.Tziu Giiuanni e tzia Giustina
ottu fillus ianta tentu
e a segunda de su bentu
s’intendianta tzerriendu.
Tziu Giuanni andada a s’ottu
basta po no ddus intendi.
Tzia Giustina arrabiosa
sempri fudi narendi cosa
e a tziu Giuanni dd’arrinfacciada
de sa famiglia no si incurada.
E issa fudi disisperada
e a chini cotta e a chini crua
E a chini crua a chini cotta…
mellus chi si fessi motta
narada sempri tzia Giustina.
Ddi torrada tziu Giuanni
mellus motu a piccioccheddu
e cun tziu Anacretu su gopai
si buffada unu ziccheddu
e cantanta battorinnas
po i bellas signorinas
E trallalerus poi cantanta
e is piccioccheddus ascuttanta…
( Albertina Piras )