Su contu de s’imbrachinadura
Custa brava signora,
amanti de is fainas e de dogna cosa de fai,
teniada tottu is fillas pitiasa e cosingiu alleu de sbrigai.
Issa fudi u pogheddeddu interessosa po su dinai,
ma che is sciadosus no si fadiada mancu pagai
e cun traballu e risparmiu si dda cavada
e dogna cosa po tirai a innantis archittettada.
Ma candu depiada imbrachinai
sa fantasia sua dda cumenzada a abbandonai
e mesi e mesu prima cumenzada a penzai
a s’unic’atti chi no iada offiu mai fai.
Ma candu una cosa no praxidi a dda fai,
mancu cun su risparmiu bisongiada a esagerai.
E issa s’annu iada risparmiau abbastanza
e pesau iada puddas e pillonis in abbondanzia.
De su cosingiu, poi, mancu a ndi chistionai,
finzas a su notti attradu, finzas a dd’accabai,
issa su mestieri suu ddu sciriada fai
e in bidda tottusu ddu podianta nai.
Penzendu a tottu custu
a cudda femmia iada avvisau
e de ddu fai vida bella iada subitu penzau.
A is setti de amengianu
arribada fudi custa zia
e issa in dogna logu teniada giai fatta sa pulizia.
Su caffè e su latti teniada prontu de ddi donai
candu cudda fudi andada a si cambiai.
E in su mentris chi cudda fudi buffendu,
issa teniada giai su prangiu incarrerendi.
E candu cudda iada incarrerau,
issa su murzu dd’iada preparau.
E in su mentris chi cudda fudi pappendu,
cantu iadessi offiu de paga issa fudi penzendu.
E candu cudda fudi imbrachinendu,
issa a cuddu benedittu prangiu fudi torrendu.
E mentri cudda pobura
in cudda scaba in susu in susu
si fudi posta a cantai,
a issa cudda cosa de pappai,
a gana maba megada de ddi pigai.
E chi non fessidi ca sa fama sua
de sarta e cuoca fudi pigada
mestieri subitu iadai cambiau
e in cudda scaba si nci iadessi appiccheddada.