Cruguxonis a cenai
Crugugionis a cenai
di Albertina Piras
Personaggi:
Due coppie di coniugi:
-Ziu Mundicu e zia Serafina
-Zia annica e ziu Boicu
Ziu Mundicu torrendu de traballai:
« Oi Serafina, chi mi dd’as fatta sa cena, gei no as a nai ca no mi dda minesciu…tottu sa diri fadendu linna cun guddu dimoniu de motosega…vrum…vrum…Pottu su stogumu piccigau a sa schina.
Serafina) Oi, pobiddu miu, as fattu mabi a traballai meda, poita cosa de pappai no nci nd’est… No apu accutu a fai nudda…tottu sa diri arrapuntendi cun cudda dimonia de macchina de così…drumm…drumm…drumm…fadiada, pottu is ogus alluausu, is cambas chi treminti che sa sinniga.
Però, appu biu a zia antonica fadendu cruguxonis. Si fadeusu cumbidai a cenai.
Mundicu ) E cumenti fadeusu?
Serafina) Fadeusu finta ca eusu cettau e tui mi olisi arropai a truncheddu de scova. Deu andu a domu de zia Antonica e poi aprobias tui.
Anda beni?
Mundicu ) Anda beni.
Parte seconda
In domu de zia Antonica
Dun, dun, dun
Annica) Chi è?
Serafina ) Seu deu, zia Annica, seu deu, Serafina. Aperrada ca pobiddu miu mi olidi scudi a truncheddu de scova!
Annica ) Ma ita megu de intendi! Ma brullendu esti, o diaverasa?
Serafina ) Tottu brulla esti sa cosa! Mi nd’adi donau giai una scutullada, appu donau un’arratroxia, mi depidessi furriau de paris unu pei1 Aperrada, ca seu disisperada!
Annica ) Intra, filla mia bella de su coru, nosu seusu cenendu…intra ca tastas is cruguxonis.
Serafina ) Mi mancada fetti sa gana de pappai!
Annica ) Setzi e pappa, mancai no ndi tengiasta gana. Cumprendiu asi? E no ti dda pighisti a disprexei…ca gei dd’ada passai! Ma … itta dd’adessi accuccau a custu cristianu!
Ma, tui setzi e pappa. Intendiu asi?
Serafina si setzidi in sa mesa e cumenzada a pappai.
Parte terza
In domu de Annica e Boicu
Dun, dun, dun
Chi è?
Mundicu ) Seu Mundicu, innoi esti cussa macca de pobidda mia?
Annica ) Bai tui Boicu.
Boicu ) Itta oisi de pobidda tua?
Mundicu ) Dda depu arroppai cun custu truncheddu de scova!
Boicu ) Tui intras a innoi chi lassasa in foras su truncheddu de sa scova!
Mundicu ) E lassausu in foras su truncheddu de sa scova! Mi faidi entrai?
Boicu ) Ti fatzu entrai chi ti setzis a pappai cun nosu.
Mundicu ) E si setzeusu a pappai po chistionai
Boicu ) tui no tennis nudda de nai prima de pappai!
Mundicu ) E si poneusu a pappai!
… Dopo che hanno mangiato tutti i ravioli
Boicu ) Mundicu, immoi poisi chistionai
Mundicu ) Chistionai ? Ma deu no tengiu nudda de nai, anzis una cosa sì ca dda deppu nai: ca is cruguxonis fuanta troppu bellus!
