Su estiu
Custu
contu è de Gesturi, mi dd’hiada contau Graziella Erbì. Esti scrittu
rispettendu sa pronuncia sua, a sa gesturesa e no a sa maresa, poita su
contu è de Gesturi e no de Mara.
Su Estiu accostumada, candu si
coiàda cuncua bella picciocca, de andai a dda tentai a de notti, candu
su pobiddu fudi a su saltu.
Una de custas piccioccasa iada contau a sa mamma ca, sa notti prima fuada andau a dd’agattai u’ piccioccu bellu arrellecchinu e beni chistionau.
” Filla mia, no ti fidisti – ddi narada sa mamma – cussu esti su Estiu! “
” Ca no, mamma!”
” Poni in menti, filla mia, e datu ca deppidi torrai a bandai,
castiaddu beni a peis, ca poltada peis de moguenti. Tui poni ua
cassarolla de ollu de amrau in sa tziminera e, candu esti beni callenti,
ghetasinceddu a cambasa.”
Ua pariga de dis dopu, su bellu piccioccu
torrada a bandai. Issa ddu faidi setzi accanta de sa tziminera e, candu
s’ollu esti callenti, si nci ddu ghettada a pitzus…
Bogada ua scinciddada de fogu…E fua’ diaderusu su Estiu!